ڪنگنا کي قتل ڪرڻ جون ڌمڪيون ملڻ جو انڪشاف

بالي ووڊ جي تڪرارن کي جنم ڏيندڙ اداڪارا ڪنگنا رناوت کي قتل ڪرڻ جون ڌمڪيون  ملڻ جو انڪشاف ٿيو آهي. ميڊيا مطابق ڪنگنا رناوت سکن بابت نامناسب لفظ ڳالهائڻ بعد پريشانين ۾ وڪوڙجي وئي آهي. ان حوالي سان ڪنگنا رناوت جو چوڻ آهي تھ پنجاب جي شهر ڀٽنڊا جي رهواسي مون کي قتل ڪرڻ جون ڌمڪيون ڏنيون آهن، جنهن خلاف پوليس کي شڪايت ڪئي آهي. هن ٻڌايو تھ ڪنهن جي ڌمڪين يا ڀڀڪين کان نٿي ڊڄان، جيڪڏهن ملڪ خلاف سازشن ٿيندي تھ ان جي خلاف ڳالهائينديس.