نئون پاڪستان ناڪام ٿي ويو، حڪومت شرم ڪري: مٿيرا

پاڪستاني ماڊل ۽ ادڪارا مٿيرا خان ڪراچي ۾ مهانگائي سبب شاپنگ مال ۾ نوجوان جي آپگهات واري معاملي تي حڪومت مٿان تنقيد ڪندي چيو آهي تھ نئون پاڪستان ناڪام ٿي ويو، تنهنڪري حڪومت کي شرم اچڻ گهرجي. ميڊيا سان ڳالهائيندي هن جو چوڻ هو تھ مان ڄاڻان ٿي تھ اهو ڪجهه چوڻ تي ماڻهو مون کان نفرت ڪندا، ان هوندي بھ اهو چوان ٿي تھ حڪمران ناڪام آهن. هن چيو تھ حڪومت غريبن کي مارڻ جا طريقا ٻڌائڻ بدران روزگار جا ذريعا پيدا ڪري ڏئي. جڏهن تھ ملڪ ۾ نوڪريون گهٽ، پگهارن ۾ ڪٽوتي ۽ نھ ملڻ وارا عمل افسوسناڪ آهن.