ممبئي: بالي ووڊ جي آئٽم گرل راکي ساونت جي مڙس رتيش جي پهرين زال منظر عام تي اچي وئي آهي، جنهن راکي ساونت ۽ رتيش جي شادي ڪوڙي هجڻ جي دعويٰ ڪئي آهي. گذريل سال جڏهن ڪنوار بڻيل راکي ساونت جون تصويرون ميڊيا تي وائرل ٿيون هيون ته ان وقت کان هر ڪو راکي جي مڙس جو چهرو ڏسڻ جو انتظار ڪري رهيو هو ۽ ان بابت ڄاڻڻ جي ڪوشش ڪري رهيو هو ۽ آخرڪار ڊگهي انتظار کانپو راکي ساونت جو مڙس بگ باس سيزن 15 ۾ منظر عام تي اچي ويو.
هاڻي اوچتو رتيش جي پهرين زال منظر عام تي اچي وئي آهي جنهن رتيش بابت ڪيترائي انڪشاف ڪيا آهن. ڀارتي ميڊيا مطابق رتيش پهريان کان پرڻيل آهي، سندس پهرين زال جو نالو پريا آهي ۽ راکي سان شادي کان اڳ هنن جو هڪ پٽ پڻ آهي. رتيش جي پهرين زال راکي ۽ رتيش جي شادي تي سوال اٿاريو آهي. هڪ خابرو اداري سان ڳالهائيندي پريا چيو ته مون کي اڃا به يقين نه پيو اچي ته رتيش ڪهڙي طرح راکي جهڙي مشهور اداڪاره سان شادي ڪرڻ ۾ ڪامياب ٿي ويو آهي، اهو سڀ ڪوڙ آهي.
