بالي ووڊ جي خوبصورت اداڪارا ڊشا پٽاني کي کدڙو فقير سڏي چٿرون ڪرڻ جو انڪشاف ٿيو آهي. ميڊيا مطابق ڊشا پٽاني جي هڪ تصوير سوشل ميڊيا تي وائرل ٿي وئي آهي، جنهن ۾ کيس گهري ڳاڙهي رنگ واري لپ اسٽڪ لڳل آهي، جنهن تي مداحن کيس ڇتي تنقيد جو نشانو بڻايو آهي، پر هڪ مداح تھ ڪمنٽس باڪس ۾ وڃي، کيس تذليل ۽ چٿرن جو نشانو بڻائيندي چيو آهي تھ، تصوير ۾ تھ ڊشا مرد لڳي رهي آهي، ڇا اها کدڙو فقير آهي. رپورٽ ۾ چيو ويو آهي تھ ڊشا پٽاني کي بولڊ انداز ۾ تصويرون شيئر ڪرڻ تان اڳ بھ چٿرن جو نشانو بڻايو ويو آهي، پر ان کي ماڻهن جي چٿرن جي پرواهه ناهي هوندي.
