سيد ناهيان، ننڍي عمر ۾ بھ مڱڻي ٿي هئي: دانيا شاهه

پاڪستاني اسڪالر عامر لياقت کان خلع خاطر عدالت ويندڙ ٽڪ ٽاڪر دانيا شاهه چيو آهي تھ مان ذات جي سيد ناهيان، اها ذات سڏائڻ جي تلقين مون کي عامر لياقت ڪئي هئي. ميڊيا سان ڳالهائيندي هن جو چوڻ هو تھ شادي کان اڳ ننڍي عمر ۾ بھ مڱڻي ٿي هئي. جڏهن تھ عامر لياقت جنهن ڇوڪري سان وڊيوز ليڪ ڪيون، اهو منهنجو مڱيندو هو. هن چيو تھ منهنجي مڱڻي 8 يا 9 سالن جي عمر ۾ ٿي، ان وقت انهن ڳالهين جي ڄاڻ نھ هئي. هن ٻڌايو تھ منهنجي ذات ملڪ آهي، جيڪڏهن ڪنهن کي اعتبار نھ اچي تھ اهو منهنجو نڪاح نامو ڏسي وٺي، ان ۾ بھ ملڪ لکيل آهي.