ڀارتي رياست ڪرناٽڪ جي حسينا سيني شيٽي مس انڊيا جو تاج ماڻي ورتو آهي. ميڊيا مطابق ڀارتي شهر ممبئي ۾ مس انڊيا 2022ع جي مقابلي جو فائنل منعقد ڪيو ويو، جنهن ۾ سيني شيٽي مس انڊيا 2022ع جو مقابلو کٽيو آهي. چارٽرڊ فناشل اينالسٽ جو ڪورس ڪندڙ
سونهن راڻي سيني شيٽي هاڻ 71 مس ورلڊ جي مقابلي ۾ ڀارت جي نمائندگي ڪندي حصو وٺندي. جڏهن تھ راجسٿان جي روبل شيخاوت رنر اپ بڻجي وئي آهي ۽ اتر پرديش جي شناتا چوهاڻ ٻي رنر اپ قرار ڏني وئي آهي. بالي ووڊ اداڪارا نيها ڌوپيا، اڳوڻي ڪرڪيٽر ميٿالي راج، اداڪارا ملائڪا اروڙا، ڊينو موريا ۽ ٻين ايونٽ ۾ جيوري جا فرض نڀايا، جن نئين مس انڊيا جو فيصلو ڪيو آهي.
