موسيقي جي دنيا ۾ پنهنجي انداز ۽ تخليقي موسيقي جي حوالي سان وڏو نالو ٺاهيندڙ ڪوڪ اسٽوڊيو دبئي ۾ پهريون لائيو شو ڪرڻ جي تياري مڪمل ڪري ورتي آهي. ميڊيا مطابق ڪوڪ اسٽوڊيو جي هلندڙ سال 14 آڪٽوبر تي رٿيل شو ۾ ناميارا راڳي ۽ موسيقار فن جو مظاهرو ڪندا. هوڏانهن انتظاميا لائيو شو جون ٽڪيتون 24 آگسٽ کان جاري ڪرڻ جو فيصلو آهي، جنهن جو مداحن کي بھ انتظار آهي. ڪوڪ اسٽوڊيو جي موسيقار زلفي چيو آهي تھ لائيو شو ۾ بهترين ۽ چونڊ فنڪار آندا ويندا. هن چيو تھ موسيقي جي ڪا هڪ زبان ناهي هوندي ۽ اسين دبئي وارو شو يادگار بڻائڻ چاهون ٿا.
