شادي بعد صبر ۽ ٻين جي ڳالهه ٻڌڻ سکيو آهي: ڪترينا

بالي ووڊ جي ڀلوڙ اداڪارا ڪترينا ڪيف انڪشاف ڪيو آهي تھ شادي ڪرڻ بعد زندگي ۾ تمام گهڻيون مثبت تبديليون آيون آهن، مون صبر ڪرڻ ۽ ٻين جي ڳالهه ڌيان سان ٻڌڻ سکي ورتو آهي. ميڊيا سان ڳالهائيندي هن جو چوڻ هو تھ وڪي ڪوشل سان شادي بعد هاڻ مون کي بحث دوران خاموش رهڻ ۽ پنهنجي ڳالهه مڪمل ڪرڻ جو فن اچي ويو آهي. هڪ سوال جي جواب ۾ هن ٻڌايو تھ مڙس وڪي جي شخصيت تمام گهڻي وڻي ٿي، تنهنڪري هن جو ضد بھ برداشت ڪندي آهيان.