مان آزاد ٿيڻ خاطر ئي رقص ڪندي آهيان: نگهت چوڌري

پاڪستان جي ڪٿڪ ڊانس ۾ عالمي طور سڃاڻپ ٺاهيندڙ ڊانسر نگهت چوڌري چيو آهي تھ مان آزاد ٿيڻ خاطر ئي رقص ڪندي آهيان، ڇوتھ هن ڊانس ۾ زندگي آهي. ميڊيا سان ڪيل خاص ڳالهه ٻولهه ۾ هن جو چوڻ هو تھ رقص مون کي هجڻ جو احساس ڏياري ٿو، ڪٿڪ سب اندر ۾ وڏي گهرائي آئي آهي، ڪٿڪ مون کي آباد ڪيو، ڇوتھ منهنجي آڏو هي ڊانس رڳو شوق ناهي، پر ان سان جنون جو تعلق بھ آهي. هن چيو تھ پراڻي دور ۾ مرد ڪٿڪ ڊانسر يعني ڪهاڻي ٻڌائيندڙ هئا، عورتن کي اجازت نھ هئي. هڪ ڳالهه چٽي آهي تھ آرٽ ۾ صنفي فرق جي گنجائش ناهي هوندي.