پاڪستاني اداڪارا اشنا شاهه ملڪ ۾ پيدا ٿي ويل بحراني حالتن بابت ڳالهائيندي چيو آهي تھ گهر ۾ بجلي ۽ گيس جو بحران هجي تھ اهڙي حالت ۾ ترانو ڳائڻ ڪجهه ڏکيو آهي. سماجي رابطن واري پيج تي ڪيل پوسٽ ۾ هن وڌيڪ لکيو تھ مون کي ملڪ ۽ پنهنجي سڃاڻپ سان پيار آهي، پر متبادل سمورو سسٽم ناڪارا پيو ٿئي، يو پي ايس سميت پيٽرل جو بحران ٿئي پيو، اهڙي صورتحال ۾ پيئڻ واري ڪافي نھ ملي تھ اهو وڏو مسئلو آهي. هوڏانهن اشنا شاهه جي اهڙي پوسٽ تي بحث شروع ٿي ويو آهي، هڪ مداح جواب ۾ لکيو تھ ڏکين حالتن ۾ ملڪ کي اسان جي سهڪار جي وڌيڪ ضرورت ٿئي ٿي.
