ڪيارا آڏواڻي ۽ سڌارت شادي جي ٻنڌڻن ۾ ٻڌجي ويا

بالي ووڊ جي خوبصورت اداڪار جوڙي ڪيارا آڏواڻي ۽ سڌارت ملهوترا شادي جي ٻنڌڻن ۾ ٻڌجي ويا آهن. ميڊيا مطابق راجسٿان جي شهر جيسلمير ۾ گيٽ ٽو ٿر جي علامت طور سڃاتو ويندڙ سوريا ڳڙهه محل ۾ جوڙي جي شادي جو ڪاڄ ٿيو آهي، جتي انهن شادي جون رسمون ادا ڪيون آهن. هوڏانهن شادي جي رسمن جي ڏس ۾ دهلي مان خاص بينڊ گروپ کي سڏايو ويو هو. جڏهن تھ شاهي انداز ۾ ٿيل شادي جي هن ڪاڄ ۾ جوڙي جي ويجهن دوستن سان گڏ ٻنهي خاندانن جي ماڻهن شرڪت ڪئي آهي.