ڀارتي ڊرامن جي اڳوڻي اداڪارا سمرتي ايراني انڪشاف ڪيو آهي تھ مون مالي تنگي سبب ريسٽورينٽ ۾ صفائي جو ڪم بھ ڪيو آهي. ميڊيا کي ڏنل هڪ انٽرويو دوران سمرتي ايران ڊرامي ڪيون ڪي ساس ڀي ڪڀي بهو ٿي جي ڪردار تلسي وارا ڏکيا ڏينهن ياد ڪري ورتا ۽ ٻڌايو تھ سال 2000ع دوران ڊرامي ۾ ڪم ڪرڻ وقت شديد مالي بحران ۾ رهي آهيان، تنهنڪري پريشاني ۾ وقت گذريو هو. هن چيو تھ ڊرامي مان 1800 رپيا روز ملندا هئا، منهنجي ڪيمرا مين وٽ گاڏي هئي، جيڪو مون کي کڻندو هو، هڪ ڀيري چيائين تھ ڀاڀي پنهنجي گاڏي وٺ تھ مون کي شرمندگي محسوس ٿي هئي.
