پاڪستان جي مشهور فيشن ڊزائنر عاليا نذير عرف نڪي جي وفات تي پاڪستان جي شوبز دنيا ۾ سوڳ ڇائنجي ويو آهي، فلمي ۽ ڊرامن جي شخصيتن گهري ڏک جو اظهار ڪندي نڪي نذير کي زندگي جي بهترين دوست ۽ باوقار انسان قرار ڏنو آهي. اداڪارائن مان سجل علي، زالي سرحدي، اريبا حبيب، اشنا شاهه، انوشي اشرف، ڳائڻي حديقا ڪياني، فيشن ڊزائنر فريحا الطاف، پبليشر راحيل رائو ۽ ٻين اداڪارن توڙي ليکڪن ۽ پروڊيوسرن پاران عاليا عرف نڪي جي وفات تي ڏک جو اظهار ڪيو ويو آهي ۽ انهن چيو تھ فيشن انڊسٽري ۾ نڪي جو ڪردار نوجوان ماڊلز بابت رهنما وارو رهيو آهي.
