پاڪستاني ڳائڻي شائي گل انڪشاف ڪيو آهي تھ هن پنهنجي گاني ون لو کي دل ۽ جذبي سان تيار ڪيو آهي. ميڊيا مطابق شائي گل ۽ ترڪ راڳي ايوديڪي سات پاران ڪوڪ اسٽوڊيو گلوبل جي سيزن 2 لاءِ تيار ڪيل گانو ون لو کي سڄي دنيا ۾ مداحن پاران ڀرپور نموني سان موٽ ملي رهي آهي. ان حوالي سان شائي گل جو چوڻ آهي تھ مون هي گانو رومانس، نئين محبت ۽ ان جي اظهار جي موضوع تي ٺاهيو آهي. هوڏانهن ترڪ راڳي ايوديڪي سات جو چوڻ آهي تھ دنيا جي ثقافتن سان جڙڻ جو شوق آهي، شائي گل پنهنجي ثقافت جي نمائندا ۽ وڏي موسيقار آهي، جنهن سان گڏ ڪم ڪندي مزو آيو آهي.
