شوبز ۾ نقلي زندگي نھ پئي جيئڻ چاهي: ايمن سليم

پاڪستاني اداڪارا ايمن سليم انڪشاف ڪيو آهي تھ شوبز انڊسٽري کي ڇڏڻ يا بريڪ وٺڻ پويان اها ڳالهه لڪل هئي تھ مون شوبز ۾ نقلي زندگي نھ پئي جيئڻ چاهي. ميڊيا سان ڳالهائيندي هن جو چوڻ هو تھ منهنجي آڏو شوبز ۾ مصنوعيت سان ڀريل زندگي گذارڻ جي تياري نھ هئي، هاڻ واپسي ڪئي آهي، پر مداحن سان واعدو ڪيان ٿي تھ اهڙو ڪو ڊرامو يا پراجيڪٽ نھ ڪنديس، جنهن جي پڄاڻي ڪنهن بهتر پيغام سان نھ ٿئي. هن چيو تھ اڳ بھ تمام گهڻيون آڇون هيون، پر ڪو بهتر اسڪرپٽ نھ ملڻ ڪري ڪم نھ ڪيو ۽ بريڪ ورتي.