ويسٽ انڊيز جي ڪرڪيٽ ٽيم ٽي 20 ۽ ون ڊي ميچن تي ٻڌل سيريز کيڏڻ خاطر ڪراچي پهچي وئي آهي، جنهن کي ايئرپورٽ تان سخت سيڪيورٽي هيٺ رهائش واري جڳهه تي پهچايو ويو آهي. ميڊيا مطابق پاڪستان پهتل ويسٽ انڊيز جي ٽيم پنهنجي دوري دوران ڪراچي ۾ 3 ٽي 20 ۽ 3 ون ڊي ميچن جي سيريز کيڏندي. جڏهن تھ مهمان ٽيم ڪرونا ٽيسٽ ٿيڻ بعد هڪ ڏينهن ڪورنٽائين ۾ گذاريو آهي، جنهن بعد اهي اڄ پريڪٽس جو سيشن پڻ مڪمل ڪندا. ويسٽ انڊيز ۽ پاڪستان جي ٽيمن وچ ۾ پهرين ٽي 20 ميچ 13 ڊسمبر تي کيڏي ويندي. جڏهن تھ ٻي 14 ۽ ٽين 16 ڊسمبر تي کيڏي ويندي. اهڙي طرح پهريون ون ڊي 18 ڊسمبر، ٻيو 20 ۽ ٽيون ون ڊي 22 ڊسمبر تي کيڏيا ويندا. هوڏانهن ويسٽ انڊيز جي ٽيم ۾ ٽي 20 کي نڪولس پوران ۽ ون ڊي ۾ شائي هوپ ڪپتان طور اڳواڻي ڪندا.
