حيدرآباد ۾ ٽين آل سنڌ باڪسنگ چيمپيئن شپ سنڌ اسپورٽس اسپورٽس اينڊ يوٿ افيئرز ڊپارٽمينٽ گورنمينٽ آف سنڌ پاران پڪي قلعي واري باڪسنگ گرائونڊ ۾ ڪاميابي سان پڄاڻي تي پهتي. چيمپيئن شپ ۾ پهرين پوزيشن ڪراچي، ٻي حيدرآباد، ٽين بينظير آباد، چوٿين ميرپورخاص، پنجين سکر ۽ ڇهين پوزيشن لاڙڪاڻي حاصل ڪئي. چيمپيئن شپ جي چيف آرگنائيزر محمد اشفاق ميڊيا سان ڳالهائيندي ٻڌايو ته اسان سيڪريٽري اسپورٽس اينڊ يوٿ افيئرز ڊپارٽمينٽ جا ٿورائتا آهيون جنهن اسپورٽس جي گرائونڊ جي بحالي ۽ ترقي خاطر هر ممڪن سهڪار ڪيو. هن سنڌ باڪسنگ ايسوسيئيشن جي سيڪريٽري جنرل محمد نواز، ريجن جي سيڪريٽرين جو ڪامياب چيمپيئن شپ ڪرائڻ تي سندن سهڪار کي ساراهيو.
