پاڪستاني ڪرڪيٽ ٽيم جي اڳوڻي ڪپتان عامر سهيل چيو آهي تھ آئي سي سي ان ڳالهه کي يقيني بڻائي تھ ڪرڪيٽ ۾ سياست شامل نھ ٿئي. ڀارتي اسپورٽس ويب سائيٽ کي انٽرويو ۾ هن ان ڳالهه تي زور ڀريو تھ پاڪستان ۽ ڀارت وچ ۾ راندين ۾ سياست کي ملوث نھ ڪيو وڃي ۽ آئي سي سي ان پسمنظر ۾ معاملن تي نظر رکي، ڇوتھ ننڍي کنڊ سميت سڄي دنيا ۾ ان عمل سان مداح مايوس ٿين ٿا. هن چيو تھ پاڪستان ۽ ڀارت وچ ۾ منهنجي خيال ۾ ڪرڪيٽ جا وڌيڪ مقابلا هن وقت بھ ٿيڻ کپن. هڪ سوال جي جواب ۾ هن چيو تھ روهيت شرما جي ڪپتان طور چونڊ بهترين آهي، پر ڪپتاني بعد سندس بيٽنگ متاثر ٿيڻ جو امڪان آهي.
