پاڪستان سپر ليگ سيزن 7 جي ٻئي مرحلي وارو ميلو خميس کان لاهور ۾ شروع ٿي رهيو آهي، جتي پڻ رانديگر ڇڪن ۽ چوڪن جي برسات وسائڻ جي تياري مڪمل ڪري ويٺا آهن. ميڊيا مطابق پي ايس ايل ۾ شامل سمورين ٽيمن جا رانديگر لاهور پهچي ويا آهن، جتي خميس کان مقابلا شروع ٿيندا. هوڏانهن ڪراچي ۾ ٿيل پهرين مرحلي ۾ ملتان سلطانز لاڳيتو ڪاميابين سبب پهرين پوزيشن تي آهي. اسلام آباد يونائيٽڊ ۽ لاهور قلندر 6،6 پوائينٽس سان ٻئي ۽ ٽئين نمبر تي آهن. جڏهن تھ ڪراچي ڪنگز سموريون ميچون هارايون آهن. پي سي بي موجب ڪراچي واسين، انتظاميا ۽ قانون لاڳو ڪندڙ ادارن جا ٿورائتا آهيون.
