ڪرڪيٽ جي دنيا جي اڳوڻن وڏن نالن پاڪستان جي وسيم اڪرم، وقار يونس، انگلينڊ جي مائيڪل ايٿرٽن ۽ آسٽريليا جي ايلن بارڊر آسٽريلوي ٽيم جي پاڪستاني دوري کي اهم نوعيت جي اڳڀرائي قرار ڏئي ڇڏيو آهي. ميڊيا مطابق وسيم اڪرم جو چوڻ آهي تھ هن دوري ۾ بابراعظم، محمد رضوان ۽ شاهين آفريدي پاڪستان جا اهم هٿيار هوندا. جڏهن تھ ايلن بارڊر جو چوڻ هو تھ پاڪستاني ٽيم آسٽريليا کي شڪست ڏيڻ جي صلاحيت رکي ٿي. مائيڪل ايٿرٽن چيو تھ آسٽريليا جي بهترين ٽيم پاڪستان اچڻ وڏي خوشخبري آهي. اڳوڻن ڪرڪيٽرن هن دوري مان سٺي اميد ڏيکاري آهي.
