يوڪرين جي ٽينس پليئر ڊيانا ياسٽرمسڪا ڀيڻ سميت پيرس پهچي وئي

پيرس: يوڪرين جي ٽينس پليئر ڊيانا ياسٽرمسڪا روسي حملي کانپوءِ ٽينس ايونٽ کيڏڻ لاءِ پيرس پهچي وئي. پنهنجي سفر کي ياد ڪندي يوڪرين جي ٽينس پليئر ڊيانا ياسٽرمسڪا چيو ته مون کي بم ڌماڪن جي آواز تي ننڊ مان سجاڳي ٿي، هوءَ ۽ سندس ننڍي ڀيڻ پيرس تائين ڪار، پيادل، ٻيڙيءَ ۽ جهاز ذريعي پهتيون آهن ۽ انهن ٻنهي سومر تي ليون ۾ ڊبليو ٽي اي ايونٽ جي ڊبلز ۾ حصو ورتو، جتي کين پهرئين رائونڊ ۾ اسپين جي گارشيا پيريز ۽ سوئٽزرلينڊ جي زينيا نول هٿان شڪست ملي.