حيدرآباد جي گورنمينٽ بوائز لوئر سيڪنڊري اسڪول رئيس غلام محمد ڀرڳڙي ۾ راندين جو ڏينهن ملهايو ويو، جنهن ۾ شاگردن ڪرڪيٽ، والي بال ۽ رساڪشي جي مقابلن ۾ حصو ورتو، ڪاڪردگي ڏيکاريندڙ شاگردن کي هيڊ ماستر عبدالحميد رند ٽرافيون ۽ انعام ڏنا. تقريب کي خطاب ڪندي عبدالحميد رند چيو ته تعليمي سرگرمين سان گڏ غير نصابي سرگرمين سان شاگردن جي صلاحيتن ۾ واڌ ايندي، راندين کي هٿي ڏيڻ سان اسان صحتمند معاشرو جوڙي سگهون ٿا. تقريب ۾ ناصر، نديم فتح، ملڪ اشرف، رميز راجا، هدايت علي، عبدالصمد، عارفين، عامر راهي ۽ ٻيا استاد موجود هئا. آخر ۾ پي ٽي استاد رميز راجا جي نگراني ۾ شاگردن وچ ۾ رساڪشي جو مقابلو ٿيو.
