ليبوشين ۽ ڪمنز کي شوقينن برياني جي آڇ ڪري ڇڏي

پاڪستان ۽ آسٽريليا وچ ۾ لاهور ۾ شروع ٿيل آخري ٽيسٽ ميچ دوران شوقينن جي گيلري مان آسٽريلوي رانديگرن کي مختلف کاڌن جي آڇ ٿيڻ جو سلسلو شروع ڪيو ويو آهي. ميڊيا مطابق اسٽيڊيم ۾ ڪجهه شوقين برياني ۽ ٻين کاڌن جي تصويرن سان پلي ڪارڊ کڻي پهچي ويا آهن، جن ۾ خاص ڪري مارنس ليبوشين ۽ ڪپتان پيٽ ڪمنز کي برياني، نان ڇولا ۽ ٻين کاڌن جي آڇ ڪرڻ وارا پلي ڪارڊ نمايان رهيا آهن. جڏهن تھ ميچ دوران سندن اهي پلي ڪارڊ سمورن ماڻهن جي نگاهن جو مرڪز رهيا.