ويمن ورلڊ ڪپ جي جاري مقابلن ۾ ڀارت جي ويمن ۽ آسٽريليا جي ويمن ڪرڪيٽ ٽيمن پنهنجون پنهنجون ميچون کٽي ورتيون آهن. ميڊيا مطابق ڀارت اهم ميچ ۾ 7 وڪيٽن تي 229 رنسون ٺاهيون، جنهن جي جواب ۾ بنگلاديش جي ٽيم 119 رنسن تي آئوٽ ٿي 110 رنسن تان شڪست کاڌي آهي. جڏهن تھ ڀارت جي سنيها رانا 4 وڪيٽون وٺي اهم ڪردار ادا ڪيو، بيٽر ياشيڪا ڀاٽيا 50 رنسون ٺاهي نمايان رهي. هن ڪاميابي سان ڀارت سيمي فائنل ۾ پهچي ويو آهي.
آسٽريليا وري ڏکڻ آفريقا کي 5 وڪيٽن تان شڪست ڏني آهي، جنهن ۾ ميگ ليننگ 135 رنسن جي وڏي اننگ کيڏي آهي. جڏهن تھ ڏکڻ آفريقا جي بيٽر لورا والورٽ 90 رنسون ٺاهي ٽيم جي ڪم نھ آئي، سني ليوس 52 رنسون ٺاهيون آهن.
