لاهور: آءِ سي سي ٽيسٽ ڪرڪيٽ جي نئين رينڪنگ جاري ڪري ڇڏي آهي، جنهن موجب پاڪستاني ڪپتان بابراعظم آءِ سي سي رينڪنگ ۾ ٽاپ 5 بيٽسمينن ۾ شامل ٿي ويو آهي. ڪراچي ٽيسٽ ۾ شاندار ڪارڪردگي کانپوءِ هو ٽي درجا مٿي چڙهي پنجين نمبر تي اچي ويو آهي، جڏهن ته نائب ڪپتان محمد رضوان جي رينڪنگ ۾ 6 درجا بهتري اچي وئي آهي. اظهر علي 19 هين نمبر تي اچي ويو آهي.
آسٽريليا جي مارنس ليبوشين عالمي سطح تي پهرين نمبر تي، جو روٽ ٻين، اسٽيو سمٿ ٽين ۽ ڪين وليم سن چوٿين نمبر تي آهن. ڪارونا رتني ڇهين، روهت شرما ستين، ٽريوس هيڊ اٺين، ويرات ڪوهلي نائين ۽ رشڀ پنٽ ڏهين نمبر تي آهي. بالرن جي رينڪنگ ۾ آسٽريلوي ڪپتان پيٽ ڪمنز پهرين ۽ پاڪستان جو شاهين شاهه آفريدي ڇهين نمبر تي آهي. حسن علي 11 هين ۽ محمد عباس 19 هين پوزيشن تي آهي. ٽيسٽ آل رائونڊرز جي رينڪنگ ۾ ڪو به پاڪستاني ٽاپ 20 ۾ شامل ناهي.
