پاڪستان ۽ آسٽريليا جون ڪرڪيٽ ٽيمون دوري جي اڪيلي ٽي 20 ميچ ۾ اڄ آمهون سامهون ٿينديون، جنهن ۾ ٻنهي ٽيمن فتح جي حوالي سان تياري ڪري ورتي آهي. ميڊيا مطابق لاهور جي قذادي اسٽيڊيم ۾ ٽي 20 ميچ کيڏجڻ بعد آسٽريليا جو دورو پڄاڻي تي پهچندو. رپورٽ ۾ چيو ويو آهي تھ ٽي 20 جي پهرين ۽ آخري ميچ رات جو ساڍي 8 وڳي شروع ٿيندي. ان کان اڳ رانديگرن ڀرپور نموني پريڪٽس ڪئي آهي. هوڏانهن آسٽريلوي ڪرڪيٽ ٽيم جي هيڊ ڪوچ اينڊريو مڪڊونلڊ جو چوڻ آهي تھ ڪپتان ايرون فنچ فارم ۾ نھ هجڻ ڪري مايوس آهي، پر راند ۾ آئين ٿيندو رهندو آهي. هن چيو تھ پاڪستان جو هي دورو تاريخي رهيو آهي.
