ڏکڻ آفريقا جي ويمن ڪرڪيٽ ٽيم جي اهم ترين بيٽر مگنن ڊيو پريز جو ون ڊي ۽ ٽيسٽ تان رٽائرمينٽ جو اعلان ڪري ڇڏيو آهي. ميڊيا مطابق مگنن ڊيو پريز جاري ڪيل بيان ۾ پنهنجي رٽائرمينٽ جو اعلان ڪيو. هن جي بيان موجب ڏکڻ آفريقا جي ويمن ڪرڪيٽر رڳو ٽي 20 ڪرڪيٽ تي ڌيان ڏيڻ جو رٿيو آهي. بيان ۾ هن جو چوڻ هو تھ مان محسوس ڪيان ٿي تھ، رٽائرمينٽ جو صحيح وقت اچي ويو آهي ۽ مان هاڻ گهرڀاتين کي وقت ڏيڻ چاهيان ٿي. هن چيو تھ خوشقسمت آهيان جو 4 ون ڊي ورلڊ ڪپ کيڏيا، مان پنهنجي ملڪ جي ڪرڪيٽ بورڊ جو ٿورو مڃيان ٿي، جن منهنجو ساٿ ڏنو.
