سريلنڪا جي ويمن ڪرڪيٽ ٽيم جي پاڪستان واري دوري جو مڪمل شيڊول جاري ڪيو ويو آهي، جنهن ۾ 3 ٽي 20 ۽ 3 ون ڊي ميچ کيڏيا ويندا. ميڊيا مطابق پاڪستان جي ٽيم جو آئي سي سي چيمپئين شپ وارو سفر سريلنڪا خلاف ڪرڪيٽ سيريز سان ٿيندو، جنهن جو ٽريننگ سيشن ڪراچي ۾ منعقد ڪيو ويندو، جنهن ۾ 26 ويمن ڪرڪيٽرن کي سڏايو ويندو. رپورٽ ۾ ڄاڻايو ويو آهي تھ، ٻنهي ملڪن جون ٽيمون 19 مئي تي ڪراچي پهچنديون، پهرين ٽي 20 ميچ 24 مئي تي کيڏيو ويندو. جڏهن تھ آئي سي سي چيمپيئن شپ جي حوالي سان پهريون ون ڊي پهرين جون، ٻيو 3 ۽ ٽيون 5 جون تي رٿيو ويو آهي. هوڏانهن قومي ويمن ٽيم جي ڪپتان بسما معروف چيو آهي تھ آئي سي سي ويمن چيمپئن شپ ملڪ ۾ کيڏڻ وڏو اعزاز آهي.
