پاڪستاني ڪرڪيٽ ٽيم جي ڪپتان بابراعظم ريڊ بال ڪرڪيٽ ۾ لاڳيتو پنهنجي ڌاڪ ڄمائي رکي آهي ۽ هاڻ هن ٻي پوزيشن ماڻي ورتي آهي. ميڊيا مطابق آئي سي سي ورلڊ ٽيسٽ چيمپيئن شپ جي حوالي سان ٿيندڙ ميچن ۾ ٽيمن جي ڪپتانن رنسن ۾ پاڻ مڃايو آهي. آئي سي سي جي جاري ڪيل تفصيلن موجب نيوزيلينڊ جي ٽام ليٿم بنگلاديش خلاف ٽيسٽ ۾ 10 چوڪن سان گڏ 252 رنسون ٺاهي پهرين پوزيشن ماڻي آهي. جڏهن تھ پاڪستاني ڪپتان بابراعظم آسٽريليا خلاف هوم سيريز ۾ 196 رنسن سان فتح حاصل ڪري ٻي پوزيشن تي آيو آهي. اهڙي ريت پاڪستان مان ئي بيٽر اظهر علي 185 سان ٽين پوزيشن ماڻي ۽ انگلينڊ جي ڪپتان جو روٽ 180 سان چوٿين نمبر ٿي ديرو ڄمائي ورتو آهي.
