دانش سستي شهرت ۽ پيسا ڪمائڻ جي نيت سان الزام لڳائي رهيو آهي: شاهد آفريدي

پاڪستاني ڪرڪيٽ ٽيم جي اڳوڻي ڪپتان شاهد آفريدي دانس ڪنيريا جي لڳايل الزامن کي رد ڪندي چيو آهي تھ هو سستي شهرت ۽ پيسا ڪمائڻ جي نيت سان مون تي بي بنياد الزام لڳائي رهيو آهي. ميڊيا سان ڳالهائيندي هن جو چوڻ هو تھ دانش ڪنيريا ان دور جي ڳالهه ڪري رهيو آهي، جڏهن مان پاڻ مذهب کي سمجهڻ جي ڪوشش ڪري رهيو هئس ۽ هي ڳالهيون اهو ڪري رهيو آهي، جنهن جو پنهنجو ڪردار ڇا آهي. هن چيو تھ دانش اسپاٽ فڪسنگ ڪيس ۾ ملڪ جو نالو بدنام ڪيو ۽ پنهنجي ڪرڪيٽ ختم ڪئي.