سريلنڪا جي ويمن ڪرڪيٽ ٽيم 17 سالن بعد ڪرڪيٽ کيڏڻ جي ڏس ۾ ڪراچي پهچي وئي آهي. ميڊيا مطابق ڪراچي ايئرپورٽ ٿي پهچندڙ سريلنڪن ٽيم پاڪستان جي دوري ۾ 3 ٽي 20 ۽ 3 ون ڊي ميچن جي سيريز کيڏندي. هوڏانهن مهمان ٽيم کي فول پروف سيڪيورٽي ۾ رهائش واري هوٽل پهچايو ويو آهي، جتي سندن ڪرونا ٽيسٽون بھ ٿي ويون آهن. رپورٽ ۾ چيو ويو آهي تھ پاڪستان ويمن ۽ سريلنڪن ويمن ٽيمن جون رانديگرياڻيون سڀاڻي کان ٽن ڏينهن جي پريڪٽس ڪنديون. جڏهن تھ پاڪستان ويمن ۽ سريلنڪن ويمن ۾ ٽي 20 ميچون 24، 26 ۽ 28 مئي تي کيڏيون وينديون ۽ ون ڊي ميچ پهرين جون، 3 ۽ 5 جون تي ٿيندا.
