ملتان ۾ پاڪستان ۽ ويسٽ انڊيز جي ڪرڪيٽ ٽيمن وچ ۾ رٿيل ون ڊي سيريز جي ميچن جي تياري جاري آهي، جنهن تحت اسٽيڊيم کي تيار ڪيو پيو وڃي. جڏهن تھ فورسز کي وڏي تعداد ۾ مقرر ڪيو ويو آهي ۽ اسٽيڊيم جي ڀرپاسي ۾ روزانو جي بنياد تي سرچ آپريشن ڪيو پيو وڃي. جڏهن تھ ضلعي انتظاميا توڙي سيڪيورٽي ادارن جو سڄو ڌيان سيڪيورٽي ڪليئرنس تي آهي. هوڏانهن اسٽيڊيم جي ڀرپاسي ۾ موجود علائقن جي ڪمرشلز ايراضين ۾ ماڻهن جي جاچ ٿي رهي آهي. اهڙي نموني سان مسافر خانن ۽ هوٽلن ۾ ترسيل ماڻهن بابت ڄاڻ ورتي وئي. ذريعن جو چوڻ آهي تھ ملتان جي اسٽيڊيم واري علائقي ۾ اڄ کان سيڪيورٽي الرٽ جاري ڪيو ويو آهي.
