انگلينڊ جي ڪرڪيٽ ٽيم جو روٽ جي سينچري سان نيوزيلينڊ کي پهرين ٽيسٽ ۾ 5 وڪيٽن تان شڪست ڏئي ڇڏي آهي. ميڊيا مطابق لارڊ جي تاريخي ميدان تي پهرين ٽيسٽ ۾ نيوزيلينڊ جي مضبوط پوزيشن کي جو روٽ اچي تبديل ڪري ڇڏيو. انگلينڊ جي ٽيم 277 رنسن جي هدف کي آساني سان حاصل ڪري ورتو ۽ سندن رڳو 5 بيٽر آئوٽ ٿي سگهيا. جڏهن تھ انگلينڊ جي بين اسٽوڪس 54 ۽ بين فوڪس 32 رنسن سان جو روٽ جو زبردست ساٿ ڏنو. اهڙي ريت نيوزيلينڊ جي ڊيرل مچل جون 108 رنسون ضايع ٿي ويون آهن. جڏهن تھ سندس بالر ڪائلي جيميسن 4 وڪيٽون وٺي پاڻ ملهايو آهي. نيوزيلينڊ پهرين اننگز ۾ 132 ۽ ٻي اننگز ۾ 285 رنسون ڪيون. جڏهن تھ انگلينڊ پهرين اننگز ۾ 142 ۽ ٻي اننگز ۾ 279 رنسون ٺاهي فتح ماڻي ورتي.
