لاهور: ويسٽ انڊيز ڪرڪيٽ ٽيم پاڪستان جو دورو مڪمل ڪري ڪالهه وطن واپس پهچي وئي. پي سي بي ترجمان موجب دوري تي آيل ٽيم ملتان کان خصوصي جهاز ذريعي صبح جو اسلام آباد پهتي، جتان هو وطن واپس پهتي. ويسٽ انڊيز کي ون ڊي سيريز ۾ پاڪستاني ٽيم ڪلين سوئيپ ڪري ڇڏيو هو.
ملتان جي سخت گرمي مهمانن کي پريشان ڪري ڇڏيو پر هنن مضبوط حريف پاڪستان خلاف سٺي ڪارڪردگي جو مظاهرو ڪيو. پاڪستان سيريز جي آخري ون ڊي ميچ ۾ ويسٽ انڊيز کي 53 رنسن تان شڪست ڏني هئي. آل رائونڊر شاداب خان 86 رنسن جي اننگز کيڏي جيڪا سندس ڪيريئر جي بهترين اننگز هئي.
