ريسلنگ ڪمپني جي سربراهه ونس ميڪ ميهن بدعنواني جي جاچ شروع ٿيڻ تي عهدي تان استعفيٰ ڏئي ڇڏي آهي. ميڊيا مطابق ڊبليو ڊبليو اي پنهنجي چيئرمين ۽ سي اي او ميڪ ميهن خلاف باقاعدا جاچ شروع ڪئي آهي. ڪمپني جي بيان ۾ ڄاڻايو ويو آهي تھ ميڪ ميهن جاچ سبب رضاڪاراڻي طور عهدو ڇڏيو آهي. جڏهن تھ ان عرصي دوران سندس نياڻي اسٽيفني وقتي سي اي او طور ڪم ڪندي رهندي. رپورٽ ۾ چيو ويو آهي تھ ميڪ ميهن خلاف 30 لک ڊالرن جي معاهدي بابت جاچ ٿي رهي آهي، جنهن ۾ ملازم عورت سان ميڪ ميهن جي افيئر ۽ کيس رقم ڏيڻ جا رخ بھ جاچ ۾ شامل ڪيا ويا آهن.
