ڀارت جي ويمن ٽيم پهرين ٽي 20 ۾ سريلنڪا ويمن کي 34 رنسن تان شڪست ڏئي ڇڏي آهي. ميڊيا مطابق سريلنڪا جي دوري تي پهتل ڀارتي ويمن ٽيم ميزبان ٽيم کي ٽن ٽي 20 ميچن جي سيريز جي پهرين ميچ ۾ ئي هارائي برتري ماڻي ورتي آهي. رپورٽ ۾ چيو ويو آهي تھ ڀارتي ويمن ٽيم پهرين بيٽنگ ڪندي 6 وڪيٽون وڃائي 138 رنسون ٺاهي 139 رنسن جو هدف ڏنو، جنهن ۾ جميما رودرج 36، شيفالي ورما 31 رنسن سان نمايان رهيون. جڏهن تھ جواب ۾ سريلنڪا ويمن جون بيٽر مقرر اوورن ۾ 104 رنسون ٺاهي سگهيون، سندن 5 بيٽر آئوٽ ٿي ويون. ڀارت جي جميما رودرج 27 بالن تي 36 رنسون ٺاهي پليئر آف دي ميچ قرار ڏني وئي آهي. سريلنڪا جي بالرن مان انوڪا راناويرا 3 ۽ اوشاڊي رانا سنگهي 2 وڪيٽون ورتيون آهن.
