پاڪستاني ڪرڪيٽر احمد شهزاد اڳوڻي بالنگ ڪوچ وقار يونس تي الزام لڳائيندي چيو آهي تھ ان جي ڪري منهنجو ڪيريئر تباهه ٿي ويو. ميڊيا سان ڳالهائيندي هن ٻڌايو تھ پي سي بي ۾ وقار يونس رپورٽ جمع ڪرائي تھ مان ۽ عمر اڪمل فارم ۾ ناهيون، مون اها رپورٽ اکين سان نھ ڏٺي، پر هڪ نمائندي ٻڌايو تھ رپورٽ جي بنياد تي اسان ٻنهي کي ٽيم مان ڊراپ ڪيو ويو آهي. هن چيو تھ ڀارت ۾ ويرات ڪوهلي ۽ پاڪستان ۾ مون ڪرڪيٽ ۾ گڏ ڊيبو ڪيا، پر ويرات ڌوني جي بهتر رهنمائي ملڻ ڪري اڳتي آيو، بدقسمتي سان منهنجو زوال آيو، ڇوتھ هتي اوهان جي ڪاميابي برداشت ناهي ٿيندي.
