سريلنڪا جي دوري بابت پاڪستاني رانديگرن جي ٽريننگ جاري

سريلنڪا جي دوري جي اسڪواڊ جي ٽريننگ ڪيمپ جاري آهي، جتي ڪوچز رانديگرن کي مختلف شعبن ۾ ٽپس ڏنيون آهن. ميڊيا مطابق پنڊي جي ميدان تي جاري ڪيمپ ۾ ڪوچز محمد يوسف، ثقلين مشتاق ۽ ٻين تجربيڪار ڪوچز رانديگرن کي مختلف شعبن ۾ سکيا ڏني ۽ انهن کين صورتحال موجب کيڏڻ جا گر سمجهايا. هوڏانهن ڪالهه ٻئي ڏينهن بھ پريڪٽس ميچ دوران رانديگرن بالنگ ۽ بيٽنگ ۾ پنهنجي صلاحيتن کي آزمايو آهي.