آسٽريليا سريلنڪا خلاف ٻي ٽيسٽ ميچ ۾ 5 وڪيٽن جي نقصان تي 298 رنسون ٺاهي ورتيون آهن ۽ سندس 5 بيٽر آئوٽ ٿي ويا آهن. ميڊيا مطابق گالي ۾ سريلنڪا خلاف ٻي ٽيسٽ جي پهرين ڏهاڙي تي آسٽريليا جي 2 بيٽرن سينچريون اسڪور ڪندي بالرن کي بيوس بڻائي ڇڏيو آهي. بيٽر مارنس ليبوشين 104 رنسون ٺاهي آئوٽ ٿي ويو آهي. جڏهن تھ اسٽيو سمٿ 109 رنسن سان اڃا تائين ڪريز تي موجود آهي، جنهن سان ساٿ ۾ ايلڪس ڪيري 16 رنسون ٺاهي ساڻس گڏ بيٺل آهي. آسٽريليا جي بيٽرن مان عثمان خواجا 37، ٽريوس هيڊ 12، ڊيوڊ وارنر 5 ۽ ڪيمرون گرين 4 رنسون ٺاهي آئوٽ ٿي چڪا آهن. هوڏانهن سريلنڪا جي بالرن مان پرابٿ 3 وڪيٽون وٺي پاڻ ملهايو آهي. جڏهن تھ رميش مينڊس ۽ ڪيسن راجيٿا بھ هڪ هڪ آئوٽ ڪيو.
