پاڪستان سريلنڪا خلاف پنهنجي پهرين ٽيسٽ سڀاڻي کيڏندو، جنهن بابت پاڪستان جي ڪپتان بابراعظم چيو آهي تھ سريلنڪا ۾ ايمرجنسي ۽ ڇڪتاڻ سبب پريشان ناهيون. گال اسٽيڊيم ۾ پريس ڪانفرنس ڪندي چيو آهي تھ هتي حالتون گهڻيون تبديل ٿيون آهن، اسان جي ذهن ۾ اڳ اهڙو ڪجهه بھ نھ هو، پر سريلنڪن بورڊ بهترين انتظام ڪيا آهن، جنهن ڪرڪيٽ کيڏڻ ۾ اسان جي آڏو ڪابھ رڪاوٽ نھ آئي آهي، بنا پريشاني جي اسان ٽوئر ميچ مڪمل ڪئي آهي. هن چيو تھ موجودا حالتن ۾ ڪرڪيٽ کي نقصان نھ پوڻ خوشي جي ڳالهه آهي، تنهنڪري اسان جو بھ سمورو ڌيان گال ٽيسٽ تي ئي هوندو. هن چيو تھ سريلنڪا هوم گرائونڊ تي هميشا ٽف ٽائين ڏنو آهي، گال جي وڪيٽ اسپنرز کي مدد ڏيندي آهي.
