لاهور: پاڪستان ڪرڪيٽ بورڊ (پي سي بي) جي چيئرمين رميز راجا، اڳوڻي ڪپتان شاهد آفريدي ۽ شعيب ملڪ سميت ڪيترن ئي رانديگرن قومي ڪرڪيٽ ٽيم کي گال ٽيسٽ ميچ کٽڻ تي مبارڪباد ڏني آهي. پي سي بي چيئرمين رميز راجا سماجي رابطن واري ويب سائيٽ ٽوئيٽر تي پنهنجي پيغام ۾ لکيو ته قومي ٽيم پاڪستان کي گال ڪرڪيٽ اسٽيڊيم ۾ تاريخي فتح ڏني آهي، پاڪستان کي عبدالله شفيق جي صورت ۾ ايندڙ سپر اسٽار مليو آهي.
قومي ڪرڪيٽ ٽيم جي اڳوڻي ڪپتان شاهد آفريدي پاڪستان جي فتح تي پنهنجي سوشل ميڊيا پيغام ۾ لکيو ته ناقابل اعتماد ٽيسٽ ميچ، عبدالله شفيق جي شاندار ڪارڪردگي هميشه ياد رهندي، اها اننگز عبدالله شفيق کي وڏو اسٽار بڻائيندي. آل رائونڊر شعيب ملڪ پنهنجي پيغام ۾ چيو ته پاڪستاني ٽيم بابراعظم جي ڪپتانيءَ ۾ وڌيڪ مضبوط ٿي رهي آهي، شاندار فتح تي قومي ٽيم کي مبارڪون هجن.
