روي شاستري ون ڊي جا 40 اوور ڪرڻ جي حمايت ڪري ڇڏي

ڀارت جي اڳوڻي ڪرڪيٽر ۽ اڳوڻي هيڊ ڪوچ روي شاستري پاڪستان جي شاهد آفريدي جي ان تجويز جي حمايت ڪري ڇڏي آهي، جنهن ۾ ون ڊي کي في سائيڊ 40 اوورن تي محدود ڪرڻ آهي. ميڊيا سان ڳالهائيندي روي شاستري چيو تھ ون ڊي کي 40 اوورن تائين ڪرڻ ۾ ڪا خرابي ناهي. هن جو چوڻ هو تھ هي فارميٽ ڪيترن ئي ڏهاڪن کان 50 اوورن تي هلي رهيو آهي، مناسب وقت اچي ويو آهي تھ ان کي گهٽايو وڃي. هن چيو تھ 1983ع ۾ ون ڊي 60 اوورن جو هو، جيڪو گهٽايو ويو.