تڪڙيون وڪيٽون ڪرڻ سان پريشر پيو، شڪست جو سبب اهو آهي: بابراعظم

پاڪستاني ڪرڪيٽ ٽيم جي ڪپتان بابراعظم تسليم ڪيو آهي تھ هڪٻئي پويان تڪڙيون وڪيٽون ڪرڻ سبب شڪست ملي آهي. گال ۾ ميڊيا سان ڳالهائيندي هن جو چوڻ هو تھ برسات پوڻ سبب اسپنرز کي مدد ملي، پر اهو اسان جي آڏو مسئلو نھ هو، بس اسان گهربل پارٽنرشپ نھ ٺاهي سگهياسين. جئي سوريا شاندار بالنگ ڪرائي آهي، کيس ڪريڊٽ ضرور ملڻ گهرجي. هوڏانهن پاڪستاني ٽيم دبئي رستي ڏيهه رواني ٿيندي. جڏهن تھ ٻنهي ٽيمن جي مينيجرن هڪٻئي سان شرٽن جي مٽاسٽا ڪئي آهي.