لاهور: قومي ڪرڪيٽ ٽيم جي اڳوڻي ڪپتان شاهد آفريدي، شعيب ملڪ ۽ ويسٽ انڊيز جي اڳوڻي ڪپتان ڊيرن سيمي کانپوءِ ڏکڻ آفريڪي اسپنر عمران طاهر ۽ نيوزيلينڊ جو بيٽسمين ڪولن منرو کي به پاڪستان جونيئر ليگ ٽيمن جا مينٽورز مقرر ڪيو ويو آهي. پنجن نامور رانديگرن کان علاوه پاڪستان جو اڳوڻو ڪپتان ۽ نامور بيٽسمين جاويد ميانداد اڳ ۾ ئي ٽورنامينٽ جو مينٽورز مقرر ٿي چڪو آهي، جڏهن ته ايونٽ جي ڇهين ٽيم جي مينٽورز جو اعلان بعد ۾ ڪيو ويندو. ٽورنامينٽ جو افتتاحي ايڊيشن 4 کان 17 آڪٽوبر تائين قذافي اسٽيڊيم لاهور ۾ کيڏيو ويندو.
