ڪامن ويلٿ گيمز جي مقابلن ۾ پاڪستاني ريسلر عنايت الله پنهنجو مقابلو کٽي سيمي فائنل ۾ پهچي ويو آهي. جڏهن تھ آسٽريليا ميڊلز جي ڊوڙ ۾ اڃا بھ اڳيان آهي. ميڊيا مطابق پاڪستان جي ريسلر عنايت الله مالٽا جي پهلوان کي مقابلي ۾ ٽن منٽن اندر ئي آساني سان شڪست ڏئي ڪوارٽر فائنل ۾ ڪواليفائي ڪيو آهي. جڏهن تھ پاڪستان جا باقي شعبن ۾ رانديگر پڻ ميڊل کٽڻ جي ڊوڙ ۾ شامل آهن. هوڏانهن هن وقت تائين آسٽريليا 50 گولڊ، 42 چاندي ۽ 41 ٽامي سان مجموعي طور تي 133 کٽي اڃا تائين پهرين پوزيشن تي برقرار آهي، انگلينڊ 43 گولڊ سان مجموعي طور 119 ميڊلز کڻي ٻيو نمبر رهيو. اهڙي ريت ڪينيڊا 59، ڀارت 6 گولڊ سميت 20 ميڊل کٽيا آهن. جڏهن تھ سريلنڪا ۽ فجي سميت ڪيترن ئي ملڪن اڃا تائين ڪوبھ ميڊل نھ کٽيو آهي.
