پاڪستاني ريسلر انعام بٽ ملڪي پهلوانن کي سهولتن جي شڪايت ڪندي چيو آهي تھ ڀارتي پهلوانن کي کاڌ خوراڪ سميت جديد ترين سهولتون ملي رهيون آهن. ڪامن ويلٿ گيمز ۾ سلور ميڊل کٽيندڙ ريسلر انعام بٽ واپس ڏيهه پهتو آهي، جنهن جو شاندار استقبال پڻ ڪيو ويو آهي. هوڏانهن ميڊيا سان ڳالهه ٻولهه دوران هن جو چوڻ هو تھ پاڪستان ۾ عالمي معيار جي ڪا هڪ بھ ريسلنگ اڪيڊمي ناهي. جڏهن تھ ڀارت جي هر رياست ۾ اڪيڊمي آهي. هن چيو تھ اسان کي ڪابھ سهولت فراهم نٿي ڪئي وڃي، ايستائين جو ريسلنگ جي ڪل بجيٽ 15 لک آهي، ڀارت ۾ ڪروڙين رپيا خرچ ٿيندا آهن. هن ٻڌايو تھ سهولتن جي کوٽ باوجود پاڪستاني ريسلرن ڪامن ويلٿ گيمز ۾ پاڻ کي مڃايو آهي.
