ايشيا ٽي 20 ڪپ ۾ اڄ پاڪستان ۽ ڀارت جون ڪرڪيٽ ٽيمون مقابلو ڪنديون، پاڪستاني ڪپتان بابراعظم چيو آهي تھ اسان جي ٽيم معياري رانديگرن ۽ ميچ ونرز سان ڀريل آهي. ميڊيا مطابق ايشيا ڪپ ٽي 20 جي ٻي اهم ميچ جي ٻن روايتي مخالفن ڪاميابي جو عزم ڪري ورتو آهي، جنهن بابت حڪمت عمليون بھ تيار ڪيون ويون آهن. هوڏانهن ميڊيا ٽاڪ ۾ ڳالهائيندي پاڪستاني ڪپتان بابراعظم چيو آهي تھ دبئي ۾ ڀارت خلاف فتح سٺي ياد سمجهون ٿا، ميچ جي ڏس ۾ ٻنهي ملڪن جو عوام پرجوش لڳي پيو، پر اسان جي آڏو هي رڳو هڪ ميچ آهي. هن چيو تھ شاهين آفريدي جي غيرموجودگي ۾ ٻين بالرن وٽ صلاحيتن کي آزمائڻ جو هي انتهائي بهترين وقت هوندو. هن چيو تھ ٽي 20 ورلڊ ڪپ ۾ ثابت ڪري چڪا آهيون تھ هي ڪنهن هڪ ماڻهو جي ٽيم ناهي، ان ۾ 11 ميچ ونرز آهن.
