ڪراچي ۾ 6 سيپٽمبر جي مناسبت سان ڊفينس ڊي انڊر-14 فٽبال ڪپ گلشن ڪلب کٽي ورتو، مخالف ٽيم اعظم اسپورٽس کي هڪ جي مقابلي ۾ 3 گولن تان شڪست ملي، فاتح ٽيم طرفان حمزا اظهر، صفي الله ۽ محمد علي هڪ هڪ گول اسڪور ڪري ڪاميابي ۾ اهم ڪردار ادا ڪيو. ڪراچي جي اعظم اسپورٽس فٽبال گرائونڊ ۾ کيڏيل ايونٽ ۾ فٽبال جي شوقينن وڏي انگ ۾ شرڪت ڪري ٻنهي ٽيمن جي رانديگرن جي حوصلا افزائي ڪئي. پڄاڻي واري تقريب ۾ خاص مهمان طاهر ملڪ، اعزازي مهمان عبيدالله ۽ ٻيا پڻ موجود هئا. آخر ۾ فاتح ٽيم گلشن ڪلب جي ڪپتان محمد اويس ۽ رنر اپ ٽيم جي ڪپتان محمد عادل کي ٽرافيون ۽ سرٽيفڪيٽ ڏنا ويا.
