پاڪستان ڪرڪيٽ بورڊ جونيئر ليگ پي جي ايل جي ٽيمن جو اعلان ڪري ڇڏيو آهي. ميڊيا مطابق پي سي بي جي جاري ڪيل پڌرائي ۾ ڄاڻايو ويو آهي تھ پاڪستان جونيئر ليگ جي حوالي سان 6 ٽيمن جي چونڊ عمل ۾ آئي آهي، جن ۾ حيدرآباد هنٽرس، راوالپنڊي رائيڊرس، گوادر شارڪس، بهاولپور رائيلس، مردان واريئرس ۽ گوجرانوالا گيانٽس شامل آهن. هوڏانهن ڄاڻايل ٽيمن ۾ مينٽورس ۽ ڪوچنگ اسٽاف جي چونڊ ٿي وئي آهي، جنهن ۾ ڪولن منرو راوالپنڊي رائيڊرس، ڊيرم سيمي حيدرآباد هنٽرس، عمران طاهر بهاولپور رائيلس، شعيب ملڪ گوجرانوالا گيانٽس، ويوان رچرڊسن گوادر شارڪس ۽ شاهد آفريدي مردان واريئرس جو مينٽور مقرر ٿيو آهي. هوڏانهن ليگ جي حوالي سان رميز راجا تقريب ۾ ليگ جي رانديگرن جي ڊرافٽنگ وارو عمل پڻ مڪمل ڪري ورتو آهي.
