پاڪستاني ٽيم مضبوط آهي، نٿو لڳي تھ فيوريٽ آهيون: بٽلر

انگلينڊ جي ڪرڪيٽ ٽيم جي ڪپتان جوز بٽلر چيو آهي تھ مون کي نٿو لڳي تھ انگلينڊ فيوريٽ آهي، ڇاڪاڻ تھ پاڪستان جي ٽيم انتهائي مضبوط آهي. ڪراچي ۾ پريس ڪانفرنس ڪندي هن ٻڌايو تھ انگلش ٽيم وڏي عرصي بعد پاڪستان آئي آهي ۽ هتي اچي مون کي تمام گهڻو سٺو پيو لڳي. جوز بٽلر جو چوڻ هو تھ پاڪستان جا ماڻهو ڪرڪيٽ سان پيار ڪرڻ وارا آهن. هن چيو تھ ورلڊ ڪپ کان اڳ پاڪستان ۽ آسٽريليا سان رٿيل ميچ اسان جي لا گهڻو اهم آهن.